Eg las på Vårt Land i dag at i løpet av 5 år har det kome til 30 nye moskèar i landet. Dette får meg til å tenkje, dersom muslimane som kjem til Norge, som knapt kan norsk, klarar å samle inn so mykje peng at dei får røyst ein moskè, nei faktisk 30 moskèar i løpet av 5 år, kva er det dei har som me kristne ikkje har? Det virkar jo som regel at dei fleste forsamlingar, om ikkje kyrkjer, slit med økonomi for å halde hus og folk til å jobbe i forsamlingane. Men her kjem det flyktningar til Noreg som står på relativt bar bakke, og klarar å bygge ein moskè like fort som me snur oss og lurer på kvar alle givarane våre tok vegen?
Det er ofte me seier at me kristne har noko som ingen andre har, og det stemmer det! Me er frelste syndarar, ved at me trur på Jesus Kristus. Likevel torer og å spørje, kva har dei nyinnflytta muslimane som me ikkje har? Dei har ei tru som er felles - faktisk ikkje det heller. I følge Vårt Land i dag er uenighetene innad blant muslimane (sunni, sjia og Ahmadiyya-Islam) so stor at dei byggjer moskèar kvar for seg.
Eg trur muslimane fort tek trua si litt meir på alvor faktisk. Eg trur alle står samla og jobbar for eit felles mål. Kvifor skal dette vere vanskeligare for oss?
Eg trur det har med viljen vår å gjere. Eg trur det er slik at me fort gir opp! Bibelen fortel oss at me må ikkje gi opp, og det gjeld ikkje berre dei som jobbar i forsamlingar- men ALLE kristne. Paulus talar om dette, og Jakob fortel i sitt brev at me må vere tolmodige.
"Hald det berre for ei glede, mine brør, når de møter alle slag prøvingar, for de veit at når trua dykkar vert prøvd, lærer de tolmod. Men tolmodet må syna seg i fullført gjerning, så de kan vera fullkomne og heile og ikkje liggja etter i noko." -Jakobs brev 1:2-4
Me som kristne må stå saman og jaga etter seierskransen som Paulus skildrar i brevet til Filipparane 3:13-14. Samtidig som me må gjera det Jesus har sagt oss! Gå difor ut! Eg vil gå ut i mi heimbygd, ikkje berre for å få sjå folk omvende seg, men og for at folk skal bli bevart i trua!
I ein sang som DC talk har, seier dei at kristne er den største årsaken til ateisme i verda i dag! Me har ikkje nok tolmod! Sjølv om eg sit og skriv dette, har ikkje "skjønt" det, heller ikkje "klart" det! Eg er sikkert den dårlegaste av alle! Men det hjelp for min eigen del å skrive det!
Håpar det gjorde noko for deg og!
Eg veit i hjarta mitt at me har noko meir enn det Muslimane har! La oss vise dette igjennom tru, bøn og Gjerining med stor G! :)
